بیجنگ(آئی این پی )چین کے شہریوں نے انسانیت کی ایک اعلیٰ مثال قائم کردی،سڑک پر ایک شخص کی تین لاکھ روپے سے زائد رقم گرنے پر سارے ڈرائیور اپنی گاڑیاں روک کر مدد کو آگئے،ایک ایک سکہ اور نوٹ اٹھا کر اسے دیا۔یہ واقعہ چین کے مشرقی علاقے میں ہائی وے پر پیش آیا، جہاں ایک موٹر سائیکل سوار کی 3 لاکھ سے زائد رقم سڑک پر گر گئی ،اور نوٹ ادھر ادھر بکھر گئے۔سڑک سے گزرتے ہوئے دیگر افراد اپنی گاڑیاں روک کر اس کی مدد کو آئے،اور ایک ایک نوٹ اور سکہ اٹھا کر اسے دیتے رہے، اور پوری رقم اسکے حوالے کرنے میں اسکی مدد کی۔