کرسٹین اسٹیورٹ وہ پہلی امریکی ادکارہ بن گئی ہیں جنہوں نے فرانس کا باوقار سیزر ایوارڈ حاصل کیا ہے۔ واضح رہے کہ سیزر ایوارڈ فرانس میں آسکر ایوارڈ کا ہم پلہ تصور کیا جاتا ہے ۔ انہین فلم ’’کاؤ ڈس آف سلز ماریا‘‘ میں ان کی اداکاری پر بہترین معاون ادکارہ کا ایوارڈ دیا گیا ہے۔ سیزر ایوارڈ ز کی شام فلم ’’ٹمبکٹو‘‘کے نام رہی کیونکہ اس فلم کو بہترین فلم کے ساتھ سات ایوارڈز ملے اور ان میں بہترین ہدایت کار کا ایوارڈ بھی شامل تھا۔ اس فلم میں شمالی مالی کو پیش کیاگیا ہے جو اسلامی جنگجوؤں کے زیر اقتدار ہے۔ واضح رہے کہ یہ فلم آئندہ اتوار کو منعقد ہونے والی آسکر تقریب میں بہترین غیر ملکی فلم کے زمرے میں نامزاد ہے۔ امریکی اداکارہ سٹیورٹ نے ایوارڈ قبول کرتے ہوئے فرانسیسی میں کہا ہے مجھے تم سے محبت ہے جولیئٹ ۔ واضح رہے کہ جولیئٹ بنو شے فلم مین ان کی ساتھی ادکارہ ہیں اس کے بعد انہوں نے فرانسیسی فلم سازوں کو خراج عقیدت پیش کیا ۔ انہوں نے ورائٹی میگزین سے بات کرتے ہوئے کہا کہ فرانس مین لوگ جس قسم کی فلم بناتے ہیں وہ ہالی ووڈ میں بنائی جانے والی فلموں سے بہت مختلف ہوتی ہیں اور میں یہاں کی فلم کو ترجیح دیتی ہوں۔ اس ایوارڈ تقریب میں ایک دوسرے امریکی ادکار کو بھی اعزاز سے نوازا گیا۔ امریکی ادکار شان پین کو فلموں مین ان کی گران قدر خدمات کے اعتراف میں لائف ٹائم اچیومنٹ ایوارڈ سے نوازا گیا۔ ایوارڈحاصل کرنے کے بعد موقعے پر تیار کیے گئے اپنے خطاب میں ٹمبکٹو کے ڈائریکٹر عبدالرحمن سیسا کو نے گزشتہ اسلام پسند کی جانب سے ہونے والے تباہ کن حملے کے پیش نظر فرانس کو ایک شاندار ملک کے طور پر یاد کیا ۔ انہوں نے کہا کہ یہاں تہذیب کا کوئی تصادم نہیں ہے۔ یہاں تہذیب کا سنگم ہے۔