اسلام آباد (نیوز ڈیسک) پنجاب کے ضلع خوشاب میں حیرت انگیز طور پر اہم سرکاری عہدوں پرخواتین کا راج ہے۔ خواتین کی سلطنت میں ایک دو نہیں، 14 سے زائدعہدوں کی کنجی ان کے ہاتھ میں ہے۔ مرد حضرات نے اپنے تحفظات بھی بتا دیے۔تفصیلات کے مطابق ڈی سی او، اسسٹنٹ کمشنر سمیت14 اہم کرسیوں پر خواتین افسران براجمان ہیں۔ خواتین افسران سے متعلق جب عوام سے پوچھا گیا تو ان کے جواب بھی انتہائی دلچسپ تھے۔ ایک شخص نے بتایا کہ پہلے گھر میں نہیں چلتی تھی اب باہر بھی یہی حال ہو گا۔ ایک اور نوجوان نے کہا کہ اللہ کرے انہیں میک اپ سے فرصت مل جائے تاکہ عوام کے کام ہو سکیں۔