ممبئی(نیوز ڈیسک)بالی ووڈ اداکارہ کرینہ کپور نے کہا ہے کہ فلم “اڑتا پنجاب” میں شاہد کپور کیساتھ کام کرنا انہیں ہمیشہ کی طرح بہت اچھا لگے گا۔ ایک تقریب میں میڈیا سے گفتگو کرتے ہوئے انہوں نے کہا کہ مجھے معلوم ہے کہ ان دنوں ہر ایک کی زبان پر میرے اور شاہد کپور کے ایک بار پھر سکرین پر آنے کے چرچے ہیں اور یہ حقیقت بھی ہے کہ ہم دونوں “اڑتا پنجاب”میں ایک ساتھ کام کررہے ہیں تاہم انہوں نے کہا کہ فلم کے دوران ہم دونوں کو ایک ساتھ سکرین پر آنے کا کوئی موقع نہیں ملے گا۔ انہوں نے کہا کہ شاہد کپور ایک اچھے اداکار ہیں اور ان کیساتھ ماضی میں بھی کام کرنا مجھے بہت اچھا لگا اور یقیناً اب بھی بہت مزا آئے گا۔کرینہ نے مزید کہا کہ وہ ہفتہ کو ڈائٹنگ نہیں کرتیں اور اپنی من پسند چیزیں کھاتی ہیں جبکہ اتوار تا جمعہ سخت ڈائٹ کا معمول اپنائے ہوئے ہیں یعنی میٹھے ،چکنائی اور روٹی سے مکمل پرہیز۔کرینہ کی حالیہ ریلیز فلم سنگھم ٹو تھی جس میں اجے دیوگن کے مدمقابل انکی جوڑی کو شائقین نے خوب سرا ہا تھا اور فلم نے سو کروڑ سے زائد کا بزنس کیا تھا۔