اسلام آباد (مانیٹرنگ ڈیسک) نیپرا نے رمضان المبارک میں عوام کو خوشخبری سنادی اور عوام کو بجلی سستی کرکے عیدی دے دی ہے۔ تفصیلات کے مطابق سینٹرل پاور پرچیزنگ ایجنسی نے بجلی 3روپے 28پیسے فی یونٹ سستی کرنے کی درخواست کی تھی۔ منگل کو نیپرامیں مئی کی فیول ایڈجسٹمنٹ کے ذریعے بجلی سستی کرنے کی درخواست پرسماعت ہوئی جس کی سماعت وائس چیئرمین نیپرا کی سربراہی میں کی گئی اور بجلی فی یونٹ 3 روپے 32 پیسے سستی کرنے کی منظوری دے دی گئی۔ بجلی سستی کرنے کے فیصلے میں بتایا گیا ہے کہ ماہانہ 300یونٹ سے کم بجلی استعمال کرنے والوں پراس کا اطلاق نہیں ہوگا جبکہ کے الیکٹرک کے صارفین پربھی اس کمی کا اطلاق نہیں ہوگا۔