کراچی (این این آئی) قومی احتساب بیورو (نیب) نے پاکستان پیپلزپارٹی کے رہنما اور رکن سندھ اسمبلی ساجد جوکھیو کے خلاف 4ارب روپے کرپشن کے الزام میں مقدمہ درج کرنے کا فیصلہ کرلیا ہے ۔ساجد جوکھیو سے ڈی ایم سی ملیر اور بن قاسم ٹاؤن میں ٹھیکیداروں سے کمیشن وصول کرنے کی بھی تحقیقات جاری ہیں۔ذرائع کے مطابق نیب پاکستان پیپلزپارٹی کے رہنما اور رکن سندھ اسمبلی ساجد جوکھیو کے خلاف ملیر پیکج میں 4ارب روپے کی خورد برد کرنے پر مقدمہ درج کرنے کا فیصلہ کرلیا ہے ۔ان کیخلاف آئندہ ہفتہ مقدمے کا اندراج ہوسکتا ہے ۔ذرائع نے بتایا کہ ساجد جوکھیو نے ملیر پیکیج میں خورد برد کی جبکہ ان سے ڈی ایم سی ملیر اور بن قاسم ٹاؤن میں ٹھیکیداروں سے کمیشن وصول کرنے کی بھی تحقیقات جاری ہیں۔واضح رہے کہ ساجد جوکھیو اس وقت کراچی واٹر اینڈ سیوریج بورڈ کے وائس چیئرمین بھی ہیں ۔