اسلام آباد(مانیٹرنگ ڈیسک)چیئرمین تحریک انصاف عمران خان نے وزیر خزانہ سینیٹر اسحاق ڈار کے بیٹے کی طرف سے بھجوائے گئے ہتک عزت کیس میں معروف قانون دان بابر اعوان کی خدمات حاصل کرلیں،پانامہ لیکس کے معاملے پر قانونی پہلوؤں سے بھی بابر اعوان نے عمران خان کو آگاہ کیا۔تفصیلات کے مطابق ہفتہ کوچئیرمین تحریک انصاف عمران خان سے معروف قانون دان سینیٹر بابر اعوان نے ملاقات کی جس دوران عمران خان نے اسحاق ڈار کے بیٹے کے مقدمے کے نتیجے میں بابر اعوان کی خدمات حاصل کرلیں،علی ڈار نے عمران خان کو 5ارب ہتک عزت نوٹس بھیج رکھا ہے،ملاقات میں بابر اعوان نے پانامہ لیکس کے قانونی پہلوؤں سے متعلق عمران خان کو بریف کیا۔چیئرمین پی ٹی آئی عمران خان نے کہا کہ پانامہ لیکس سے نکلنے کے حکومت کے تمام راستے بند ہوچکے ہیں۔