نئی دہلی (آئی این پی)بھارتی میڈیا نے انکشاف کیا ہے کہ 26 نومبر 2008کو ہونے والے ممبئی حملے کے وقت ملک کے اعلیسیکورٹی حکام پاکستان کے شہر مری میں تھے۔بھارتی میڈیا رپورٹس کے مطابق26نومبر 2008کو ہونے والے ممبئی حملے کے وقت ہوم سیکرٹری مدھوکر گپتا، ایڈیشنل سیکرٹری انور احسان احمد، جوائنٹ سیکرٹری دپتیویلاسا اور تین دیگر سیکیورٹی حکام ممئی حملوں کے وقت مری میں موجود تھے۔ ایک بھارتی اخبار کی رپورٹ کے مطابق سابق انڈر سیکرٹری آر وی ایس مانی کاکہنا ہے کہ ان سالوں میں پاکستان اور بھارت کے درمیان مذاکرات ہو رہے تھے۔ یہ مذاکرات 2006میں پاکستان میں ہوئے اور 2007میں بھارت میں ان مذاکرات کی نشست ہوئی جس کے 2008میں دوبارہ پاکستان میں مذاکرات ہونا طے پائے۔آ وی ایس مانی نے کہا کہ یہ مذاکرات 25 نومبر کو طے پائے تھے اور بھارتی وفد 24 نومبر کو پاکستان پہنچ گیا تھا۔ پھر ہمیں یہ پتہ چلا کہ وفد کا کے دورہ پاکستان میں ایک روز کا اضافہ کرتے ہوئے 26 نومبر تک کر دیا گیا ہے جس دن یہ حملے ہوئے۔ ایک سوال کے جواب آر وی ایس مانی نے کہا کہ حملوں کے بعد بھارتی وفد تک رسائی حاصل کرنے کی کوشش کی گئی لیکن لیکن ایسا نہ ہو سکا۔واضح رہے کہ بھارت نے 2008میں ہونے والے ممبئی حملوں کا الزام پاکستانی تنظیم لشکر طیبہ پر عائد کر رکھا ہے۔