فیصل آباد(مانیٹرنگ ڈیسک) وزیر مملکت پانی و بجلی عابد شیر علی نے کہا ہے کہ وزیراعظم نواز شریف تیزی سے صحت یاب ہورہے ہیں اور وہ انشاء اللہ عید الفطر پاکستان میں ہی منائینگے ۔ میڈیا سے بات کرتے ہوئے عابد شیرعلی نے کہا کہ پاناما پیپرزمیں وزیراعظم کا نام نہیں ٗاس کے باوجود وزیراعظم نے خود کو احتساب کیلئے پیش کیا ٗٹی او آرکے معاملے پر حکومت کی نیت صاف ہے ٗہم معاملے کو حل کرنے کے لیے ہر قسم کا تعاون کررہے ہیں ٗاس پر سڑک کی سیاست نہ کی جائے ٗانہوں نے کہا کہ وزیراعظم نواز شریف تیزی سے صحت یاب ہورہے ہیں ٗامید ہے کہ انشاء اللہ عید الفطر سے پہلے پاکستان آجائیں گے۔لوڈ شیڈنگ کے حوالے سے وزیر مملکت نے کہاکہ سحراورافطار میں بجلی کی فراہمی یقینی بنا رہے ہیں، جہاں بجلی چوری ہو رہی ہے وہاں لوڈ شیڈنگ زیادہ ہے، لوڈ شیڈنگ میں جلد کمی آئیگی ملک بھر کے صنعتی علاقوں میں 5 گھنٹے بجلی کی لوڈشیڈنگ ہورہی ہے جسے 4 گھنٹے تک لانے کی کوشش کی جارہی ہے۔وزیراعظم کاپاناماپیپرزمیں نام نہیں مگرنام نہ ہونے کے باوجودوزیراعظم نے خودکواحتساب کیلئے پیش کیاتاہم پانا ما پیپرز پر سڑک کی سیاست نہ کی جائے ٗمسلم لیگ ن کی قیادت نے خود کو احتساب کیلئے پیش کیا،عمران خان نے پارلیمنٹ کو چور ڈکیت کہا ٗپھر یہیں آکر بیٹھ گئے۔خواجہ آصف کے بیان پر پوچھے گئے سوال پر انکا کہناتھا کہ ٹریکٹر ٹریکٹر ہوتاہے، ٹرالی ٹرالی ہوتی ہے ٗخواجہ آصف نے شیریں مزاری کا نام نہیں لیاتھامگر خواجہ آصف نے تمام اراکین اسمبلی سے معذرت کی۔