سنگاپور(این این آئی ) ایشیائی آئل مارکیٹ میں پیر کو خام تیل کے نرخوں میں اضافے کا رجحان رہا جس کی وجہ ڈالر کی شرح تبادلہ میں کمی کی صورتحال ہے تاہم خام تیل کی پیداوار میں اضافے کے باعث نرخوں میں اضافہ عارضی ثابت ہوا۔ کاروباری سرگرمیوں کے دوران امریکا کے ویسٹ ٹیکساس انٹرمیڈیٹ کے سودے 45 سینٹ یا 0.93 فیصد کے اضافے سے 49.07 ڈالر فی بیرل میں طے پائے جبکہ برینٹ نارتھ سی کروڈ کے معاہدے 35 سینٹ یا 0.71 فیصد کی بہتری سے 49.99 ڈالر فی بیرل میں ہوئے۔امریکی لیبر ڈیپارٹمنٹ کی جاری رپورٹ کے مطابق گزشتہ ماہ کے دوران روزگار کے 38 ہزار نئے مواقع پیدا ہوئے جوکہ توقعات سے کم ہیں۔ رپورٹ کے مطابق امریکا میں روزگار بارے رپورٹ کے اجراء کے بعد ڈالر کی شرح تبادلہ میں کمی ریکارڈ کی گئی جوکہ خام تیل کے نرخوں میں اضافے کا باعث بنی۔