اسلام آباد(مانیٹرنگ ڈیسک)گاڑیاں بنانے والی معروف کمپنی ہنڈا نے پاکستان میں نئے ماڈل کی گاڑی متعارف کروا دی۔ہنڈا سوک گاڑی کا نیا ماڈل منظر عام پر آتے ہی ایڈوانس بکنگ شروع ہو گئی، ہنڈاکمپنی نے2016 ء کے نئے ماڈل کی سوک گاڑی کی تصاویر جاری کر دیں۔ رپورٹ کے مطابق ہنڈا سوک بیسک ماڈل 1800 سی سی آٹو گاڑی کی قیمت 27لاکھ ہے جبکہ ٹربو ورژن گاڑی کی قیمت 33لاکھ مقرر کی گئی ہے۔واضح رہے کہ ہنڈا سوک کے اس نئے ماڈل کا پاکستانی شدت سے انتظار کر رہے تھے‘ ہنڈا سوک کے نئے ماڈل کے منظر عام پر آتے ہی شہریوں کی بڑی تعداد نے گاڑیاں خریدنے کیلئے کمپنی سے رابطہ کیا ہے۔کمپنی ترجمان کا کہنا ہے کہ ہنڈا سوک گاڑی کے 1.5 آٹومیٹک ماڈل کو بھی ساتھ ہی متعارف کرایا جائے گاجس کی قیمت کے بارے میں فی الوقت کچھ نہیں کہا جا سکتا۔