بغداد(این این آئی)ایران کی جانب سے عراق کو بھاری مقدارمیں گندے انڈے برآمدکرنے کا انکشاف ہوا ہے جس کے بعد عراقی حکومت نے اسے تلف کرنا شروع کردیا ہے ،عراقی میڈیا کے مطابق ایران میں جمع ہونے والے گندے انڈوں کی بھاری مقدار عراق کو برآمد کی گئی ہے تاہم عراقی حکام نے اپنے ‘محسن’ کی جانب سے ملنے والے گندے انڈے تلف کرنا شروع کر دیے ہیں۔ایران کی جانب سے گندے انڈوں سے بھرے دو کنٹینر عراق بھجوائے گئے۔ بغداد کے قریب زرباطیہ چیک پوسٹ پر انڈوں کی چیکنگ کی گئی تو وہ تمام گندے نکلے۔بغداد پولیس کا کہناتھا کہ گندے انڈے صابن کے ڈبوں کے اندر اور ان کے پیچھے چھپائے گئے تھے۔ یہ معلوم نہیں ہو سکا کہ تہران سرکار کی جانب سے عراق کو گندے انڈے کیوں بھجوائے گئے؟۔