دبئی(این این آئی)ایک چینی لڑکا شنگھائی سے دبئی جانے والے ایمیریٹس کے مسافر طیارے میں سامان رکھنے والی جگہ سے ملا ہے۔غیرملکی خبررساں ادارے کے مطابق گزشتہ روز ایمیریٹس کے ترجمان نے ایک بیان میں بتایا کہ پرواز ek303 میں چھپ کر دبئی پہنچنے والے چینی لڑکے کو پولیس کے حوالے کر دیا گیا ہے۔ایئرلائن نے اس لڑکے کا نام تو نہیں بتایا تاہم چین کے سرکاری خبر رساں ادارے ڑن ہوا نے لڑکے کے بارے میں بتایا ہے کہ اس کی عمر 16 سال اور اس کا نام ڑو ہے۔ایمیریٹس کی جانب سے جاری ہونے والے بیان میں کہا گیا ہے کہ ’ہم دبئی حکام کے ساتھ مکمل تعاون کر رہے ہیں اور جیسا کہ یہ پولیس کا معاملہ ہے اس لیے اس وقت ہم زیادہ تبصرہ نہیں کر سکتے۔چینی خبر رساں ادارے کے مطابق اطلاعات کے مطابق لڑکے کا کہنا تھا کہ وہ ’سامان رکھنے والی جگہ میں بہت پرسکون تھا۔‘تاہم اس کا کہنا تھا کہ اس نے اس تقریباً نو گھنٹوں کی پرواز کے دوران کچھ نہیں کھایا تھا۔ژو نامی اس لڑکے کا کہنا تھا کہ ’میں نے سنا ہے کہ دبئی میں بھکاری بھی بہت پیسے کما لیتے ہیں۔ صورتحال کا جائزہ لینے کے لیے سفارتخانے کے عملے کے ارکان کو ہوائی اڈے بھیجا گیا ہے۔ژن ہوا نے مزید بتایا: ’پراسیکیوٹرز کی جانب سے بلائے گئے مترجم کے مطابق لڑکے نے بتایا ہے کہ اس نے شنگھائی ایئرپورٹ پر لگی باڑ پر سے چھلانگ لگائی اور جیسے ہی سکیورٹی گارڈ نے دوسری جانب دیکھا تو وہ طیارے میں سامان رکھنے والی جگہ میں گھس گیا۔