کراچی(این این آئی)میٹرو بس،میٹرو ٹرین،گرین لائن کے بعد اب ایک اور پراجیکٹ کا آغاز،شہرقائد میں یلو لائن ٹرانسپورٹ پراجیکٹ پر کام شروع ہونے کا امکانات روش ہوگئے،۔تفصیلات کے مطابق کراچی میں شہریوں کو ٹرانسپورٹ کی سہولیات فراہم کرنے کے لیے وزیراعظم پاکستان کی جانب سے گرین لائن بس منصوبے کے اعلان کے بعد اب سندھ حکومت نے بھی یلو لائن ٹرانسپورٹ پراجیکٹ پر کام شروع کرنے کا فیصلہ کیا ہے ۔ذرائع کے مطابق یلو لائن ٹرانسپورٹ پراجیکٹ معاہدے کے لیے حکومت سندھ کا وفدجمعہ کو چین روانہ ہوگا۔ سیکریٹری ٹرانسپورٹ کا کہنا ہے کہ چینی کمپنی کے اشتراک سے منصوبہ دو سال میں مکمل ہوگا۔