کراچی(نیوزڈیسک) عالمی بلین مارکیٹ میں گزشتہ روز سونے کے نرخ میں2ڈالر کی کمی دیکھی گئی اورفی او نس سو نے کی قیمت 1258ڈالر ہوگئی۔بین الاقوامی مارکیٹ میں سونے کے نرخوں میں کمی کے باعث مقامی سطح پر بھی سونے کی قیمتیں گھٹ گئیں۔آل پاکستان سپریم کونسل جیولرز ایسوسی ایشن کی رپورٹ کے مطابق گذشتہ ہفتہ کے دوران ملکی صرافہ مارکیٹوں میں فی تولہ سونے کی قیمت میں50روپے کی کمی دیکھی گئی جس کے بعد کراچی ،حیدرآباد،لاہور،ملتان ،فیصل آباد، اسلام آباد،راولپنڈی اور کوئٹہ کی صرافہ مارکیٹوں میں فی تولہ سونے کی قیمت49ہزار450روپے سے گھٹ کر 49ہزار400روپے ہوگئی، اسی طرح 43 روپے کی کمی سے 10گرام سونے کی قیمت 42 ہزار 342 روپے ریکارڈ کی گئی جبکہ چاندی کی فی تولہ قیمت 680 روپے کی سطح پر برقرار رہی۔