اسلام آباد(نیوزڈیسک) وفاقی وزیر منصوبہ بندی، ترقی و اصلاحات احسن اقبال نے سعود ی عرب کے وزیر اقتصادی منصوبہ بندی انجینئر عادل الفقہیہ سے ریاض ہ میں ملاقات کی۔ ملاقات میں دونوں ممالک درمیان اقتصادی تعاون پر تبادلہ خیال کیا۔سعودی عرب کے وزیر اقتصادی منصوبہ بندی نے چین پاکستان اقتصادی راہداری میں دلچسپی کا اظہار کرتے ہوئے پاکستان اور چین کے ساتھ اس منصوبے میں کام کرنے کی خواہش کا اظہار کیا تاکہ اس راہداری کو بحیرہ احمر اور افریقہ تک پھیلایا جا سکے۔احسن اقبال نے سعودی وزیر کو حالیہ برسوں میں پاکستان کی اقتصادی ترقی کے بارے میں آگاہ کیا۔انہوں نے چین پاکستان اقتصادی راہداری اور پاکستان کے اکنامک روڈ میپ وژن2025کے بارے میں بھی سعودی وزیر کو آگاہ کیا۔دونوں نے اقتصادی منصوبہ بند ی کے شعبوں میں اشتراک بارے بھی تبادلہ خیال کیا ۔