نئی دہلی (نیوز ڈیسک ) بھارت میں بدتمیز میاں مٹھو کے بعد اب بکری کی شامت آ گئی ، ریاست چھتیس گڑھ میں جج کے گھر کے لان میں گھسنے پر بکری کو اس کے مالک سمیت گرفتار کر لیا گیا۔بکری تھانے میں دہائیاں دیتی رہی ، تھانے کے احاطے میں بندھی بکری شاید اپنی بے گناہی کی دہائیاں دے رہی ہے، جج کے گھر کے لان میں سبزیاں کھانا اس بے زبان بکری کا جرم ٹھہرا ، سزا بکری کے مالک کو بھی ملی ، دونوں پولیس کی حراست میں ہیں۔یاد رہے کہ بھارت میں بے زبان جانوروں کی گرفتاری کوئی نئی بات نہیں اس سے پہلے ایک پاکستانی کبوتر اور بدتمیز طوطے کو کئی دن تھانے میں بند رہنا پڑا۔