لاہور ( نیوزڈیسک) لاہورمیں غیرت کے نام پر حوا کی ایک اور بیٹی کو فائرنگ کر کے قتل کر دیا ، پولیس نے لاش پوسٹمارٹم کے لئے بھجوا کر تفتیش شروع کر دی ۔ بتایا گیا ہے کہ دیر کی رہائشی 24سالہ ارم نے ایک روز قبل ہی باغبانپورہ کے رہائشی صدام سے پسند کی شادی کی تھی جسے گزشتہ روز فائرنگ کر کے قتل کر دیا گیا ۔ اہل محلہ کی اطلاع پر پولیس موقع پر پہنچی اور لاش کو قبضے میں لے کر پوسٹمارٹم کے لئے بھجوا دیا ۔ مقتولہ کے شوہر صدام نے ملزمان کے خلاف کارروائی کے لئے پولیس کو درخواست دیدی ہے جس پر پولیس نے تفتیش شروع کر دی ہے ۔