میڈرڈ(نیوز ڈیسک)اسپین کے دارالحکومت میڈرڈ میں سالانہ تھری کنگز پریڈ2016 کا اہتمام کیا گیا۔کرسمس کے بعد عیسائیوں کے سب سے بڑے تہوار کے طور پر منعقد ہونیوالی اس پریڈ میں بچوں اور بڑوں نے بڑی تعداد میں شرکت کی۔تھری کنگزپریڈ /تھری وائز مین پریڈ کے موقع پر تین لوگوں نے اس تہوار سے جڑے بادشاہوں کے لبادے پہن رکھے تھے جنہیں خوبصورتی سے سجائے گئے فلوٹس کے ساتھ وسطی میڈرڈ کی شاہراہوں پر گھمایا گیا۔اس موقع پر کارنیول اسٹائل میں سجائے گئے فلوٹس ، ایکروبیٹس کے کرتب اور جانوروں کی جھلک دیکھنے ہزاروں افرادنے پریڈ روٹ کا ر±خ کیا۔