اندور(نیوزڈیسک )ہندوانتہا پسند تنظیم ہند راشٹرا سنگٹھن کی طرف سے سپر سٹارشاہ رخ خان کی نئی آنے والی فلم ”دل والے“ کی نمائش پر پابندی عائد کرنے کا مطالبہ کیا گیا ہے۔نیوز 18کی رپورٹ کے مطابق دائیں بازو کی تنظیم کے سر گرم کارکنا ن کی طرف سے دھمکی دی گئی ہے کہ اگر شاہ رخ خان کی فلم کی نمائش پر پابندی عائد نہ کی گئی تو نقصان اٹھانے کیلئے تیار ہو جائیں۔علاوہ ازیں ان کارکنان کی طرف سے ”ٹاکیز پھوڑو ابھیان “ کے نام سے ایک مہم بھی چلائی جا رہی ہے جس کے تحت جگہ جگہ شاہ رخ خان کی فلم کے خلاف پوسٹر لگا ئے جارہے ہیں۔میڈیا رپورٹس کے مطابق تنظیم کے رہنماو¿ں کی طرف سے عوام کے ساتھ خطاب کا بھی فیصلہ کیا گیاہے تاکہ وہ انھیں فلم دیکھنے سے باز رہنے کی ہدایت کر سکیں۔ انکا مزید کہنا ہے کہ فلم کی نمائش کے بعد ملک میں کسی بھی قسم کی توڑ پھوڑ اور تخریب کاری کی ذمہ داری انکی نہیں ہو گی۔ ہند راشٹرا سنگٹھن کے سرگرم کارکنان کی اشتعال انگیز ی کی بڑی شاہ رخ خان کا ملک میں برھتی ہوئی انتہا پسندی کے خلاف متنازعہ بیان کو قرار دیا گیا ہے۔ واضح رہے شاہ رخ خان کی دلوالے رواں سال 18دسمبر کو ملک بھر سینما گھروں میں نمائش کیلئے پیش کی جائے گی۔