ممبئی(نیوزڈ یسک )معروف بولی ووڈ اداکارہ مادھوری ڈکشٹ کا شمار 90کی دھائی کی ان اداکاراو¿ں میں ہوتا ہے جنھوں نے اداکاری کے ساتھ بہترین رقص کی وجہ سے لاکھوں دلوں پر راج کیا ہے۔ اداکارہ نے حالیہ انٹرویو کے دوران میڈیا سے گفتگو کرتے ہوئے کہا کہ وہ فنی سفر کے دوران کبھی بھی رقص کے حوالے سے کسی ہیرو سے خوفزدہ نہیں ہوئیں۔ اداکارہ کا کہنا تھا کہ انھیں صرف پربہو دیوا کے ساتھ ڈانس کرتے ہوئے ہمیشہ خوف محسوس ہوتا ہے۔48سالہ اداکارہ نے میڈیا کو بتایا کہ اس کے باوجود انھو ں نے جب بھی پربہودیوا کے ساتھ رقص کیا ہے انکا تجربہ شاندار رہا۔واضح رہے اداکارہ کو آخری مرتبہ ”گلاب گینگ“میں دیکھا گیا تھا۔ مادھوری کا کہنا تھا کہ وہ آجکل کسی اچھے سکرپٹ کی تلاش میں ہیں۔انکا کہنا تھاکہ انھیں جیسے ہی بہترین سکرپٹ ملا وہ ایک مرتبہ پھر سے بڑی سکرین پر نظر آئیں گی۔