ممبئی(نیوز ڈیسک)بالی ووڈ سپر اسٹار سلمان خان نے جگر کے مرض میں مبتلا 11 سالہ پاکستانی لڑکے سے ملاقات کر کے اس کی دیرینہ خواہش پوری کر دی۔بھارتی میڈیا کے مطابق جگر کے مرض میں مبتلا 11سالہ پاکستانی لڑکا عبدل باسط والدین کے ہمراہ علاج کے لیے بھارت ا?یا تھا جہاں نہ صرف اسے اس خطرناک مرض سے چھٹکارا مل گیا بلکہ اس کی اپنے فیورٹ بالی ووڈ سپر اسٹار سلمان خان سے ملنے کی خواہش بھی پوری ہوگئی۔بھارتی میڈیا کے مطابق گیارہ سالہ عبدالباسط کوجگر کے ٹرانسپلانٹ کے لیے نئی دہلی کے اندرا پراستھا اپولو اسپتال ریفر کیا گیا تھا۔جہاں اسے چچا کی جانب سے رضاکارانہ طور پر 30 اکتوبر کو جگر ٹرانسپلانٹ کیا گیا جس کے بعد اسے 17نومبرکواسپتال سے ڈسچارج کردیا گیا۔چیف لیور ٹراسپلانٹ سرجن سبھاش گپتا کا کہنا ہے کہ بچہ جلد ہی اسکول جانے اور نارمل زندگی گزارنے کے قابل ہوجائے گا۔نئی زندگی ملنے پر بچے نے سلمان خان سے ملنے کی خواہش ظاہرکے جس پر بچے کے والدین اسے ممبئی لے گئے جہاں اس کی سلمان خان سے ملاقات کرانے میں کامیاب رہے۔بچے کی والدہ رضیہ بیگم نے خوشی کا اظہا ر کرتے ہوئے کہاکہ یہ سرحد پار ایک انسانی کوشش ہے جو محبتوں کو فروغ دیتی ہے