خانیوال (این این آئی)مونچھوں والی لڑکیوں نے پولیس کی دوڑیں لگوادیں، لڑکیوں نے چہروں پر مونچھیں لگاکر تاجر کو لوٹنے کی کوشش کی، ہاتھا پائی پر فرار ہوگئیں۔ تفصیلات کے مطابق قلی بازار کا تاجر ملک اسلم منگل کو مغرب کی نماز کے بعد اپنے گھر غریب آباد آرہا تھا کہ بلاک نمبر 14میں دو لڑکیوں جنہوں نے چہرے پر نقلی مونچھیں لگارکھی تھیں ¾ان سے گن پوائنٹ پر گھیرلیا، تاجر کے واویلے اور ہاتھا پائی کرنے پر لڑکیاں اپنے ساتھی کے ساتھ موٹرسائیکل پر بیٹھ کر فرار ہوگئیں، اطلاع پر پولیس نے پہنچ کر کارروائی شروع کردی مگر پولیس کی تمام تر کوششوں کے باوجود لڑکیوں کاکوئی سراغ نہیں لگایاجاسکا۔