اسلام آباد(نیوز ڈیسک) واٹس ایپ نے اینڈرائیڈ سمارٹ فونز میں نئی اپ ڈیت متعارف کروا کر اردو اور بنگالی زبانوں کا اپنے صار فین کو تحفہ دیا ہے۔رپورٹ کے مطابق واٹس ایپ کے نئے ورڑن 2.12.367 میں اردو اور بنگالی زبان کی سپورٹ موجود ہے۔ یہ نئی اینڈرائیڈ اپلیکیشن گوگل پلے سٹور سے ڈاﺅن لوڈ کر کے انسٹال کیا جا سکتا ہے۔ گوگل پلے سٹور پر واٹس ایپ میں کی جانے والی دیگر تبدیلیوں کے بارے میں بھی بتایا گیا ہے جن میں چیٹ کاسٹیوم نوٹیفیکیشن،سٹنگز اور میوٹ چیٹس کو ریڈ مارک اور مختلف قسم کے ایموجی کے انتخاب بھی قابل ذکر ہیں۔ اسی طرح اینڈرائیڈ صارفین کے لیے اس میسجنگ اپلیکیشن میں یہ سہولت بھی فراہم کر دی گئی ہے جب بھی انہیں کانٹیکٹ کارڈ موصول ہو تو اسے فوری طور پر میسج یا کانٹیکٹ میں محفوظ کر سکیں گے۔ اس اپ ڈیٹ کی بدولت ڈیٹا کے استعمال میں واٹس ایپ کالز کے دوران کمی آئے گی۔ واٹس ایپ میں ایک اور نمایاں اضافی تبدیلی جس میں چیٹس میں پریویو فیچیر ہے جسے گذشتہ ماہ اکتوبر میں متعارف کروایا گیا تھا۔