لاہور(نیوزڈیسک) ڈائریکٹر فوڈ اتھارٹی عائشہ ممتاز نے اپنی ٹیم کے ہمراہ یونیورسٹی آف انجینئیرنگ اینڈ ٹیکنالوجی (یو ای ٹی) کے مرکزی کیفے ٹیریا پر چھاپہ مارا . چھاپے کے دوران کیفے ٹیریا میں صفائی کے ناقص انتظامات دیکھے گئے . صفائی کے ناقص انتظامات اور غیر معیاری اشیا کی فروخت پر ڈائریکٹر فوڈ اتھارٹی عائشہ ممتاز نے یونیورسٹی آف انجینئیرنگ اینڈ ٹیکنالوجی کے مرکزی کیفے ٹیریا کو سیل کر دیا. واضح رہے کہ غیر معیاری اشیائے خوردو نوش کی فروخت اور غیر معیاری کھانا فراہم کرنے والے کیفے اور ہوٹلوں کے خلاف ڈائریکٹر فوڈ اتھارٹی عائشہ ممتاز ایک عرصے سے سرگرم ہیں.