اسلام آباد (نیوز ڈیسک)بھارتی ریاست گجرات میں گائے ذبح کرنے کے مقدمے میں تین مسلمان شہریوں کو عمر قید کی سزا سنا دی گئی،

جبکہ عدالت نے ہر ملزم پر 3 لاکھ بھارتی روپے جرمانہ بھی عائد کیا ہے۔رپورٹس کے مطابق سزا پانے والے افراد کی شناخت وسیم قریشی، محمد رفیق قریشی اور اشفاق کے نام سے ہوئی ہے۔ مقدمے میں ان تینوں کے قبضے سے 277 کلو گرام گائے کا گوشت برآمد ہونے کا دعویٰ کیا گیا تھا، جس کے بعد عدالت نے انہیں عمر قید کی سزا سنائی۔گجرات کے نائب وزیراعلیٰ ہرش سانگھوی نے عدالتی فیصلے کا خیرمقدم کرتے ہوئے کہا کہ اس فیصلے سے یہ پیغام دیا گیا ہے کہ گائے ذبح کرنے کے عمل میں ملوث افراد کو قانون کے تحت کسی قسم کی رعایت نہیں ملے گی۔