پشاور(این این آئی)ریاست مخالف بیانئے کے الزام پر محکمہ داخلہ بلوچستان نے کارروائی کرتے ہوئے 100سرکاری ملازمین کو ملازمت سے برطرف کر دیا۔

نجی ٹی وی کے مطابق معاون محکمہ داخلہ بابریوسف زئی کہا ہے کہ ریاست مخالف بیانئے پر 100سرکاری ملازمین ملازمت سے برطرف کئے گئے ہیں۔بابریوسف زئی کے مطابق برطرف کئے گئے ملازمین میں 95یونیورسٹی اساتذہ شامل ہیں۔ محکمہ صحت کے 3ملازمین سمیت 5دیگر ملازمین بھی برطرف کئے گئے ہیں۔ بابریوسف زئی نے کہا کہ برطرف ملازمین نے سرکاری حلف کی خلاف ورزی کی، ریاست کے خلاف بیانیے پرکوئی سمجھوتا نہیں ہوسکتا ہے۔