اسلام آباد (نیوز ڈیسک)واٹس ایپ نے صارفین کی پرائیویسی اور چیٹس کے تحفظ کو مزید بہتر بنانے کے لیے ایک نیا سکیورٹی فیچر متعارف کرا دیا ہے۔

میٹا کی جانب سے ریسٹریکٹڈ چیٹ (Restricted Chat) کے نام سے یہ سہولت اینڈرائیڈ کے نئے بیٹا ورژن میں پیش کی گئی ہے۔نئے فیچر کو واٹس ایپ کے ایڈوانسڈ چیٹ پرائیویسی کنٹرولز کا حصہ بنایا جائے گا، جن کے ذریعے صارفین چیٹ میں موجود افراد کے لیے اضافی پابندیاں مقرر کرسکتے ہیں۔ریسٹریکٹڈ چیٹ کے ذریعے صارفین حساس گفتگو کو مزید محفوظ بنا سکیں گے۔ اس آپشن کو فعال کرنے کے بعد مخصوص چیٹ کو مرکزی فون تک محدود رکھا جاسکے گا، جبکہ وہ گفتگو واٹس ایپ ویب یا کسی دوسرے منسلک فون پر دکھائی نہیں دے گی۔WABetaInfo کے مطابق فی

الحال اس فیچر کی تیاری کا عمل جاری ہے اور اسے ابھی تمام بیٹا صارفین کے لیے بھی فراہم نہیں کیا گیا۔ یہ ایک اختیاری سہولت ہوگی، یعنی صارف اپنی ضرورت کے مطابق اسے خود فعال کرسکے گا۔چونکہ ریسٹریکٹڈ چیٹ ابھی آزمائشی مرحلے میں ہے، اس لیے یہ واضح نہیں کہ اسے عام صارفین کے لیے کب تک جاری کیا جائے گا۔