بونیر (نیوزڈیسک) یوسی شلبانڈئی میں مسلم لیگ ن اور عوامی نیشنل پارٹی کے درجنوں افراد نے جمعیت علماء اسلام (ف )میں شمولیت کا اعلان کردیا۔اس سلسلے میں ایک پر وقار شمولیتی تقریب سے خطاب کرتے ہوئے جمعیت علماء اسلام کے ضلعی رہنماء سردار علی خان آف چناڑ نے کہا کہ 22نومبر کا محمود غزنوی کانفرنس بونیر کے سیاسی ماحول کا نقشہ بدل کر رکھ دیں گے۔محبوب قائید مولانا فضل الرحمن کے ایک جھلک کیلئے جے یو آئی کے کارکنان بے تاب ہیں۔آئے روز شمولیتی تقاریب سے یہ واضح ہوتا ہے کہ بونیر کے غیور عوام نے پرچم نبوی کے سائے تلے ایک ہونے اور علماء کرام کا ساتھ دینے کا عہد کیا ہے۔اپنے محبوب قائید کا والہانہ استقبال کر کے یہ ثابت کریں گے کہ جے یو آئی بونیر میں مضبوط قوت بن چکی ہے۔اس موقع پر محمود خان،بخشا،قیصر خان سمندر شاہ،اور شیرداد کے سارے خاندانوں نے اپنے درجنوں ساتھیوں سمیت مسلم لیگ ن اور عوامی نیشنل پارٹی سے برسوں ناطہ توڑ کر جمعیت علماء اسلام ف میں شمولیت کا اعلان کردیا۔تقریب سے یوسی شلبانڈئی کے جنرل سیکرٹری مولانا محمد رحیم یونٹ امیر سید غنی شاہ اور اصیل خان نے بھی تقریب سے خطاب کیا۔اور نئے شامل ہونے والوں کو مبارکباد پیش کی