اسلام آباد(نیوز ڈ یسک)عالمی بلین مارکیٹ میں قیمتی دھاتوں کے نرخ گرنے کے بعد پاکستان کی صرافہ مارکیٹوں میں بھی سونے اور چاندی کی قیمتوں میں بڑی کمی ریکارڈ کی گئی ہے۔

بین الاقوامی مارکیٹ میں فی اونس سونے کی قیمت 151 ڈالر کم ہوکر 4 ہزار 454 ڈالر پر آگئی۔

عالمی قیمت میں اس نمایاں کمی کا اثر مقامی مارکیٹ پر بھی پڑا، جہاں فی تولہ سونا 15 ہزار 100 روپے سستا ہوکر 4 لاکھ 67 ہزار 936 روپے کا ہوگیا۔اسی طرح 10 گرام سونے کی قیمت میں بھی 12 ہزار 946 روپے کی کمی ہوئی، جس کے بعد نئی قیمت 4 لاکھ 1 ہزار 179 روپے مقرر کی گئی ہے۔چاندی کے نرخوں میں بھی نمایاں کمی دیکھی گئی۔

عالمی مارکیٹ میں فی اونس چاندی کی قیمت 3 ڈالر 97 سینٹ کم ہوکر 66 ڈالر 33 سینٹ کی سطح پر آگئی۔عالمی مارکیٹ میں کمی کے نتیجے میں پاکستان میں ایک تولہ چاندی کی قیمت 397 روپے گھٹ کر 7 ہزار 112 روپے ہوگئی، جبکہ 10 گرام چاندی 340 روپے سستی ہونے کے بعد 6 ہزار 97 روپے کی سطح پر آگئی۔

مارکیٹ ذرائع کے مطابق عالمی سطح پر امریکی مالیاتی پالیسی اور شرح سود سے متعلق توقعات میں تبدیلی نے قیمتی دھاتوں کی قیمتوں پر اثر ڈالا، جس کے باعث سونے اور چاندی میں فروخت کا رجحان نمایاں ہوا۔یوں ایک ہی دن میں سونے اور چاندی کے نرخوں میں ہونے والی نمایاں کمی نے مقامی صرافہ مارکیٹ میں بھی قیمتوں کو واضح طور پر نیچے لے آیا ہے۔