اسلام آباد (نیوز ڈیسک) حکومت نے پٹرولیم مصنوعات کی قیمتوں میں معمولی کمی کا اعلان کردیا ہے،

جس کے تحت پٹرول اور ڈیزل دونوں کے نرخ میں چند پیسوں کی کمی کی گئی ہے۔

پٹرولیم ڈویژن نے 29 اگست سے 31 اگست تک کے لیے پٹرولیم مصنوعات کی نئی قیمتوں کا نوٹیفکیشن جاری کردیا، جس میں پٹرول اور ہائی اسپیڈ ڈیزل کے نرخوں میں کمی کی گئی ہے۔

جاری کردہ نوٹیفکیشن کے مطابق پٹرول کی فی لیٹر قیمت میں 58 پیسے کمی ہوئی ہے، جس کے بعد اس کی نئی قیمت 342 روپے 2 پیسے فی لیٹر مقرر کردی گئی ہے۔

اسی طرح ہائی اسپیڈ ڈیزل بھی 17 پیسے فی لیٹر سستا کردیا گیا ہے۔ نئی قیمت کے مطابق ڈیزل اب 371 روپے 44 پیسے فی لیٹر میں دستیاب ہوگا۔

حکومت کی جانب سے قیمتوں میں یہ معمولی ردوبدل 29 اگست سے نافذ العمل ہوگا اور 31 اگست تک جاری رہے گا۔