اسلام آباد (نیوز ڈ یسک)عظیم صوفی شاعر حضرت بابا بلھے شاہؒ کے 269ویں عرس کی تین روزہ تقریبات قصور میں عقیدت و احترام کے ساتھ جاری ہیں، جہاں دوسرے روز بھی زائرین کی بڑی تعداد نے مزار پر حاضری دی۔
عرس کے موقع پر 29 اگست بروز ہفتہ قصور میں مقامی تعطیل کا اعلان بھی کیا گیا ہے۔ضلعی انتظامیہ کے مطابق مقامی تعطیل کا اطلاق ڈپٹی کمشنر کے ماتحت کام کرنے والے ضلعی دفاتر اور متعلقہ سرکاری اداروں پر ہوگا۔
عرس کے دوسرے روز مختلف روحانی و صوفیانہ محافل کا سلسلہ بھی جاری رہا، جبکہ زائرین نے مزار پر فاتحہ خوانی اور دعا کی۔حضرت بابا بلھے شاہؒ کے عرس کے موقع پر دربار اور اس سے ملحقہ علاقوں میں سیکیورٹی کے خصوصی انتظامات کیے گئے ہیں۔ زائرین کی آمدورفت بنانے کے لیے سیکیورٹی اہلکار تعینات کیے گئے ہیں، جبکہ انتظامیہ نے عقیدت مندوں کے لیے وسیع پیمانے پر لنگر کا بھی انتظام کیا ہے۔انتظامیہ کا کہنا ہے کہ حضرت بابا بلھے شاہؒ کے 269ویں عرس کی تین روزہ تقریبات کل اختتام پذیر ہوجائیں گی۔
