اسلام آباد(این این آئی)پاکستان میں سماعت سے محروم افراد کے لیے اے آئی پر مبنی سائن لینگویج ترجمان صلہ اور معاون نظام متعارف کرایا گیا ہے۔
ایسے اے آئی ترجمان منصوبہ سنو کا حصہ ہے جسے پاکستانی ادارے نے یوفون کے تعاون سے تیار کیا ہے۔ یہ نظام خاص طور پر بہرے اور کم سننے والے افراد تک اہم معلومات پاکستانی اشاروں کی زبان میں پہنچانے کے لیے بنایا گیا ہے۔اس ٹیکنالوجی کا بنیادی مقصد یہ ہے کہ عام بول چال یا اہم اعلانات کو سائن لینگویج میں قابلِ فہم انداز میں پیش کیا جائے۔ اے آئی کی مدد سے معلومات کو ایسے فارمیٹ میں منتقل کیا جا سکتا ہے جسے سماعت سے محروم افراد آسانی سے سمجھ سکیں۔سنو کو ابتدائی طور پر قدرتی آفات اور ہنگامی حالات کے لیے استعمال کرنے کا منصوبہ بنایا گیا تھا تاکہ سیلاب، زلزلے یا دیگر ہنگامی صورتحال میں بہرے افراد تک فوری وارننگ پہنچ سکے۔
یہ منصوبہ اس لیے اہم ہے کہ ہنگامی اعلانات عموما آواز کے ذریعے جاری ہوتے ہیں، جس سے سماعت سے محروم افراد بروقت معلومات سے محروم رہ سکتے ہیں۔ اے آئی اور سائن لینگویج کے امتزاج سے یہ خلا کم کیا جا سکتا ہے۔خود بھی اے آئی اور انسانی ماہرین کو ملا کر تعلیم، کام کی جگہوں اور ڈیجیٹل پلیٹ فارمز کو معذور افراد کے لیے زیادہ قابلِ رسائی بنانے پر کام کر رہا ہے۔
