اسلام آباد(نیوزڈیسک) پیپلز پارٹی نے بدین میں بلدیاتی انتخابات میں شکست کی وجوہات جاری کردی ہیں۔ تفصیلات کے مطابق پیپلز پارٹی نے بلدیاتی انتخابات کے دوسرے مرحلے میں بدین میں ذوالفقار مرزا گروپ کے ہاتھوں شکست کھانے کی وجوہات جاری کردی ہیں۔ پیپلز پارٹی کے سینیٹرفرحت اللہ بابر کا وجوہات بتاتے ہوئے کہنا ہے کہ بلدیاتی انتخابات سے ایک روز قبل 15 پولیس افسران کو توہین عدالت کا مرتب قرار دے کر معطل کردیا گیا جبکہ پیپلز پارٹی کے ضلعی صدر کو ڈی جی رینجرز کی موجودگی میں گرفتار کیا گیا۔ پولیس افسران کیخلاف فیصلہ قانونی طور پر بالکل ٹھیک تاہم ذوالفقار مرزا کی جانب سے اسے اپنے حق میں استعال کیا گیا جو پیپلز پارٹی کی شکست کا باعث بنا۔