اسلام آباد (نیوز ڈیسک )یوں تو دیواروں کو سجانے کے لئے ان پر نقش و نگار بنائے جاتے ہیں لیکن امریکامیں ایک دیوار ایسی بھی تھی جسے چیونگم سے سجایا جاتا ہے لیکن اب یہ دیوار صاف کردی گئی ہے۔جی ہاں امریکی ریاست واشنگٹن کے شہر سیٹل میں واقع اس انوکھی دیوار پر گزشتہ20 سال سے سیاح روزانہ کے حساب سے لاتعداد چیونگمز چپکاتے تھے لیکن اب انتظامیہ کی جانب سے یہ دیوار صاف کرکے وہاں سے2 ہزار 350پاونڈ چیونگم اتار ی گئی ہے۔واضح رہے کہ ایک سنیما کے برابر موجود عمارت کی اس دیوار پر لوگوں نے20 سال قبل ٹکٹ کے حصول کے لئے انتظار کو دلچسپ بنانے کے لئے یہ انوکھا کام شروع کیا تھا۔