اسلام آباد(این این آئی)اسلام آباد ہائی کورٹ نے جوڈیشل افسران اور ہائی کورٹ افسران کیلئے ٹرانسپورٹ مونیٹائزیشن الائونس میں ترمیم کا نوٹیفکیشن جاری کر دیا ہے،
جس کے تحت گریڈ 17 سے گریڈ 22 تک کے افسران کے الانس میں اضافہ کر دیا گیا ہے۔نوٹیفکیشن کے مطابق نئے نرخوں کا اطلاق یکم جولائی 2026 سے ہوگا۔جاری کردہ نوٹیفکیشن کے تحت گریڈ 22 کے افسران کے لیے ٹرانسپورٹ مونیٹائزیشن الانس 2 لاکھ 50 ہزار روپے، گریڈ 21 کے لیے 1 لاکھ 95 ہزار روپے، گریڈ 20 کے لیے 1 لاکھ 75 ہزار روپے اور گریڈ 19 کے افسران کے لیے 1 لاکھ 50 ہزار روپے مقرر کیا گیا ہے۔اسی طرح گریڈ 18 کے افسران کو 1 لاکھ روپے جبکہ گریڈ 17 کے افسران کو 60 ہزار روپے ماہانہ ٹرانسپورٹ مونیٹائزیشن الائونس دیا جائے گا۔نوٹیفکیشن میں کہا گیا کہ اس فیصلے کے نتیجے میں ہونے والے تمام اخراجات اسلام آباد ہائی کورٹ اور ڈسٹرکٹ جوڈیشری کے مالی سال 2026-27 کے مختص بجٹ سے پورے کیے جائیں گے۔
