اسلام آباد (نیوز ڈیسک)ملک میں پیٹرولیم مصنوعات کی قیمتوں میں ایک مرتبہ پھر کمی کی توقع ظاہر کی جا رہی ہے۔
ذرائع کے مطابق آئندہ قیمتوں کے جائزے میں پیٹرول اور ڈیزل دونوں کی قیمتوں میں مزید ریلیف ملنے کا امکان ہے۔
اوگرا سے متعلق ذرائع کے مطابق 5 اگست سے پیٹرول کی قیمت میں تقریباً 3 روپے 39 پیسے فی لیٹر کمی کی تجویز تیار کی گئی ہے، جبکہ ہائی اسپیڈ ڈیزل بھی 4 روپے 7 پیسے فی لیٹر سستا ہونے کا امکان ظاہر کیا جا رہا ہے۔
ابتدائی ورکنگ کے مطابق اگر مجوزہ کمی کی منظوری دے دی گئی تو پیٹرول کی نئی قیمت تقریباً 328 روپے 56 پیسے فی لیٹر ہو سکتی ہے، جبکہ ڈیزل کی قیمت کم ہو کر 385 روپے 86 پیسے فی لیٹر تک پہنچنے کا تخمینہ ہے۔
واضح رہے کہ حکومت نے گزشتہ قیمتوں کے جائزے میں بھی عوام کو ریلیف دیتے ہوئے پیٹرول کی قیمت میں 4 روپے 8 پیسے اور ڈیزل کی قیمت میں 2 روپے 45 پیسے فی لیٹر کمی کا اعلان کیا تھا۔
حتمی قیمتوں کا اطلاق وفاقی حکومت کی منظوری کے بعد کیا جائے گا، جبکہ سرکاری نوٹیفکیشن جاری ہونے پر نئی قیمتوں کا باضابطہ اعلان کیا جائے گا۔
