اسلام آباد (نیوز ڈ یسک)کاروباری ہفتے کے آخری روز پاکستان اسٹاک ایکسچینج میں سرمایہ کاروں کی دلچسپی بڑھنے سے مارکیٹ میں نمایاں تیزی دیکھنے میں آئی،

جبکہ انٹربینک مارکیٹ میں امریکی ڈالر کی قدر میں معمولی کمی ریکارڈ کی گئی۔ٹریڈنگ کے دوران کے ایس ای 100 انڈیکس میں 1,245 پوائنٹس کا اضافہ ہوا، جس کے بعد انڈیکس بڑھ کر 176,793 پوائنٹس کی سطح پر پہنچ گیا۔ مارکیٹ میں مثبت رجحان کے باعث سرمایہ کاروں کا اعتماد بھی بہتر ہوتا دکھائی دیا۔دوسری جانب ایکسچینج کمپنیز ایسوسی ایشن آف پاکستان کے مطابق انٹربینک مارکیٹ میں امریکی ڈالر ایک پیسہ سستا ہو گیا،

جس کے بعد اس کی قیمت 277 روپے 80 پیسے پر ٹریڈ کرتی رہی۔یاد رہے کہ گزشتہ کاروباری روز بھی اسٹاک مارکیٹ مثبت زون میں بند ہوئی تھی۔ اس وقت کے ایس ای 100 انڈیکس میں 495 پوائنٹس یا 0.28 فیصد اضافہ ریکارڈ کیا گیا تھا، جس کے بعد انڈیکس 175,547.98 پوائنٹس پر بند ہوا تھا۔گزشتہ روز مجموعی طور پر 495 کمپنیوں کے حصص کی خرید و فروخت ہوئی، جن میں سے 175 کمپنیوں کے حصص کی قیمت میں اضافہ، 279 کمپنیوں کے حصص میں کمی جبکہ 41 کمپنیوں کے حصص کی قیمتیں بغیر کسی تبدیلی کے برقرار رہیں۔