اسلام آباد(نیوز ڈیسک) سندھ حکومت نے حضرت شاہ عبداللطیف بھٹائیؒ کے سالانہ عرس کے موقع پر 29 جولائی، بروز بدھ پورے صوبے میں عام تعطیل کا اعلان کر دیا ہے۔

اس فیصلے کا باقاعدہ نوٹیفکیشن بھی جاری کر دیا گیا ہے۔جاری کردہ اعلامیے کے مطابق 29 جولائی کو سندھ حکومت کے ماتحت تمام سرکاری دفاتر اور تعلیمی ادارے بند رہیں گے۔حضرت شاہ عبداللطیف بھٹائیؒ کا سالانہ عرس بھٹ شاہ میں مذہبی اور ثقافتی عقیدت و احترام کے ساتھ منایا جائے گا، جہاں مختلف تقریبات کا انعقاد کیا جائے گا۔توقع ہے کہ عرس کی تقریبات میں شرکت کے لیے سندھ کے مختلف شہروں اور دیگر علاقوں سے بڑی تعداد میں زائرین بھٹ شاہ پہنچیں گے، جبکہ انتظامیہ کی جانب سے ان کے لیے ضروری سہولیات اور سکیورٹی انتظامات بھی کیے جا رہے ہیں۔