اسلام آباد (نیوز ڈیسک)ملک بھر میں سریا کی قیمتوں میں فی الحال نمایاں استحکام برقرار ہے، اگرچہ مختلف برانڈز، شہروں اور گریڈز کے لحاظ سے معمولی ردوبدل دیکھا جا رہا ہے۔ تعمیراتی شعبے سے وابستہ افراد اور گھر بنانے والوں کے لیے تازہ مارکیٹ ریٹس جاری کر دیے گئے ہیں۔

مارکیٹ ذرائع کے مطابق اس وقت پاکستان میں سریا کی فی کلو قیمت 258 روپے سے 265 روپے کے درمیان فروخت ہو رہی ہے۔ رہائشی اور کمرشل تعمیرات میں سب سے زیادہ استعمال ہونے والے گریڈ 40 اور گریڈ 60 کے سریے کی طلب معمول کے مطابق برقرار ہے۔

سریا کے تازہ نرخ درج ذیل ہیں:

گریڈ 40: 260 روپے فی کلو
گریڈ 60: 265 روپے فی کلو
مارکیٹ ریٹ: 258 سے 265 روپے فی کلو

تعمیراتی ماہرین کے مطابق خام مال کی قیمتوں، بجلی اور گیس کے نرخ، ٹرانسپورٹ کے اخراجات اور تعمیراتی سرگرمیوں میں اتار چڑھاؤ مستقبل میں سریا کی قیمتوں پر اثرانداز ہو سکتا ہے۔

ان کا کہنا ہے کہ مختلف شہروں اور کمپنیوں کے لحاظ سے قیمتوں میں معمولی فرق ممکن ہے، اس لیے بڑی مقدار میں خریداری سے پہلے مقامی ڈیلرز سے تازہ نرخ معلوم کرنا دانشمندانہ اقدام ہوگا۔

ماہرین نے مزید کہا کہ سریا کی قیمتوں پر مسلسل نظر رکھنا گھر تعمیر کرنے والے افراد، کنٹریکٹرز اور تعمیراتی کمپنیوں کے لیے انتہائی اہم ہے، کیونکہ اس کی قیمت میں معمولی تبدیلی بھی مجموعی تعمیراتی لاگت پر نمایاں اثر ڈال سکتی ہے۔