اسلا م آباد (نیوز ڈیسک) کاروباری ہفتے کے پہلے روز پاکستان اسٹاک ایکسچینج میں سرمایہ کاروں کا اعتماد متاثر دکھائی دیا،

جس کے نتیجے میں مارکیٹ کا آغاز نمایاں مندی کے ساتھ ہوا۔ابتدائی ٹریڈنگ کے دوران فروخت کا دباؤ بڑھنے سے کے ایس ای 100 انڈیکس میں 2 ہزار 700 سے زائد پوائنٹس کی کمی ریکارڈ کی گئی، جس کے بعد انڈیکس گر کر ایک لاکھ 79 ہزار 448 پوائنٹس کی سطح تک پہنچ گیا۔واضح رہے کہ گزشتہ ہفتے کے آخری کاروباری دن مارکیٹ میں مثبت رجحان دیکھنے میں آیا تھا، جہاں کے ایس ای 100 انڈیکس 982 پوائنٹس کے اضافے کے بعد ایک لاکھ 82 ہزار 241 پوائنٹس پر بند ہوا تھا۔

تازہ کاروباری سیشن کے آغاز میں آنے والی اس نمایاں گراوٹ نے سرمایہ کاروں میں تشویش پیدا کر دی، جبکہ مارکیٹ میں فروخت کے دباؤ کے باعث متعدد کمپنیوں کے حصص کی قیمتوں میں بھی کمی دیکھی گئی۔