لاہور( این این آئی)ریلوے کی مسافر ٹرینوں کے لئے جعلی ٹکٹ تیار کئے جانے کا انکشاف ہوا ہے ،
گرین لائن ٹرین کی دو جعلی ٹکٹوں کے ذریعے سفر کی کوشش ناکام بنا دی گئی ۔مسافر دو ٹکٹیں لے کر کراچی کینٹ ریزرویشن آفس پہنچا اور ساتھ والی تیسری سیٹ کا ٹکٹ مانگ لیا۔ملزم نے گرین لائن کی اکانومی کوچ نمبر 10کا حوالہ دیا جبکہ گرین لائن میں اکانومی کلاس کی دسویں کوچ موجود ہی نہیں۔جانچ پڑتال کے دوران جعلی ٹکٹوں پر دوسری ٹرین اور مختلف تاریخ کا سیریل نمبر درج ہونے کا انکشاف ہوا۔ کراچی کینٹ ریزرویشن آفس کی بروقت کارروائی سے جعلی ٹکٹ مافیا کا نیا طریقہ بے نقاب کردیا ۔ ابتدائی تحقیقات میں لیپ ٹاپ کے ذریعے جعلی ٹکٹ تیار کیے جانے کا انکشاف، اصل ملزم تک پہنچنے کیلئے تحقیقات جاری ہیں ۔
چیف کمرشل منیجر آفس پاکستان ریلویز کی موثر کارروائی، جعلی ٹکٹ کے ذریعے سفر کی کوشش ناکام بنا دی گئی۔
