اسلام آباد (نیوز ڈ یسک)خیبر پختونخوا کے ضلع بنوں کے علاقے ڈومیل میں نامعلوم مسلح افراد ایک نجی بینک کی کیش وین لے کر فرار ہوگئے۔
پولیس حکام کے مطابق ملزمان نے کارروائی کے دوران کیش وین کے ڈرائیور اور سیکیورٹی گارڈ کو نقصان پہنچائے بغیر چھوڑ دیا، تاہم گاڑی اپنے ساتھ لے گئے۔ واقعے کے بعد پولیس نے مقدمہ درج کرنے کا عمل شروع کر دیا ہے جبکہ ملزمان کی تلاش کے لیے مختلف علاقوں میں کارروائیاں جاری ہیں۔دوسری جانب بینک انتظامیہ کا کہنا ہے کہ کیش وین میں تقریباً 8 کروڑ روپے سے زائد رقم موجود تھی۔ حکام کے مطابق واقعے کی مزید تحقیقات اور مالی نقصان کے مکمل تخمینے کے لیے جانچ پڑتال جاری ہے۔
