اسلام آباد (این این آئی)مشیر خزانہ خرم شہزاد نے بتایا ہے کہ پاکستان نے چین کی مارکیٹ میں پہلا پانڈا بانڈ کامیابی سے جاری کر دیا۔

جاری بیان میں خرم شہزاد نے بتایا کہ پاکستان نے 1.75ارب یوآن کے بانڈز پر 8.8ارب یوآن کی پیشکشیں موصول کیں، پاکستان کو پانڈا بانڈ پر 5گنا زیادہ ڈیمانڈ کی پیشکش ہوئی، پاکستان کو صرف 2.5فیصد کی پرکشش شرح سود پر پانڈا بانڈ کی پیشکش ملی۔خرم شہزادنے کہا کہ عالمی سرمایہ کاروں کا پاکستان کی معاشی اصلاحات پر بھرپور اعتماد ہے پاکستان استحکام سے ترقی کی طرف بڑھ رہا ہے اور اب ایک نئے معاشی باب کا آغاز کر رہا ہے۔