اسلام آباد (این این آئی) وزیر اعظم شہبازشریف کی جانب سے اعلان کے بعد پٹرولیم مصنوعات کی قیمتوں میں کمی کا نوٹیفکیشن جاری کر دیا گیا ۔

جمعہ کو وزیراعظم شہباز شریف نے ڈیزل کی قیمت میں 135 روپے فی لیٹر جبکہ پٹرول کی قیمت میں 12 روپے فی لیٹر کمی کا اعلان کیا جس کے بعد پیٹرولیم ڈویژن نے پیٹرولیم قیمتوں میں کمی کا نوٹیفکیشن جاری کر دیا۔ نوٹیفکیشن کے مطابق پیٹرول کی فی لیٹر قیمت میں 11.83 روپے کی کمی کی گئی ہے جس کے بعد پٹرول کی فی لیٹرقیمت 366.58 روپے مقرر کی گئی ہے اور اسی طرح ہائی اسپیڈ ڈیزل کی فی لیٹر قیمت میں 134.81 روپے کمی کی گئی اور نئی قیمت 385.54 روپے فی لیٹر مقرر کی گئی ہے ۔نئی قیمتوں کا اطلاق رات 12 بجے سے ہوگیا ہے