اسلام آباد (نیوز ڈیسک) راولپنڈی میں 11 اپریل کو عام تعطیل کا اعلان کر دیا گیا ہے، جس کا باقاعدہ نوٹیفکیشن بھی جاری کر دیا گیا ہے۔

میڈیا رپورٹس کے مطابق ڈپٹی کمشنر راولپنڈی نے اس حوالے سے حکم جاری کیا ہے، جس کے تحت شہر میں سرکاری و نجی تعلیمی ادارے اور دفاتر بند رہیں گے، تاہم ایمرجنسی سروسز معمول کے مطابق کام جاری رکھیں گی۔ضلعی انتظامیہ کا کہنا ہے کہ وفاقی دارالحکومت اسلام آباد میں بھی اسی روز عام تعطیل ہوگی۔یاد رہے کہ اس سے قبل کابینہ ڈویژن کی جانب سے اسلام آباد میں 9 اور 10 اپریل کو بھی تعطیلات کا اعلان کیا گیا تھا، کیونکہ پاکستان، امریکا اور ایران کے درمیان اہم مذاکرات کا انعقاد کیا جا رہا تھا۔

ان تعطیلات کے دوران اسلام آباد میں تمام سرکاری دفاتر بند رہے تھے۔