واشنگٹن (این این آئی)امریکی صدر ڈونلڈ ٹرمپ کی دھمکیوں، آبنائے ہرمز کی بندش اور ایران جنگ کے منفی اثرات کے باعث عالمی منڈی میں خام تیل کی قیمتوں میں اضافہ ہوگیا۔

غیرملکی میڈیا کے مطابق برینٹ خام تیل کی قیمت 2.2 فیصد اضافے کے بعد 111 ڈالر 43 سینٹ ہوگئی ہے۔غیرملکی میڈیا کے مطابق ڈبلیو ٹی آئی خام تیل کی قیمت 2.7 فیصد اضافے کے بعد 114 ڈالر 57 سینٹ ہوگئی۔واضح رہے کہ گزشتہ روز امریکی صدر ٹرمپ نے ایران کو دھمکیاں دیتے ہوئے غیر اخلاقی بیان میں لکھا کہ ایران نے آبنائے ہرمز نہ کھولی تو امریکا ایران کے پاور پلانٹ اور پل اڑا دے گا۔ڈونلڈ ٹرمپ نے نئی دھمکی دیتے ہوئے اپنی پرانی ڈیڈ لائن میں 24 گھنٹے کی توسیع بھی کی اور کہا کہ ایران پر قیامت ٹوٹ پڑے گی۔ زندگی جہنم بنا دی جائے گی۔