لاہور( این این آئی)وزیراعلی مریم نوازشریف نے پنجاب کے عوام کیلئے بہت بڑے ریلیف پیکیج کا اعلان کیا ہےـ

پنجاب بھر میں موٹر بائیک رجسٹریشن فیس چارجز ختم کر دئیے گئے ،موٹر بائیک ٹرانسفر فیس بھی معاف کر دی گئی ہےـاپنے ایکس میسج میں جاری بیان میں مریم نواز شریف نے کہا کہ ہررجسٹرڈ بائیک کو 2000 روپے ماہانہ سبسڈی دی جائے گی ـ رجسٹرڈ بائیک کو ماہانہ 20لیٹر پٹرول پر سبسڈی دی جائے گی ـرجسٹرڈ بائیک کو 20لیٹر پٹرول فی لیٹر 100روپے سبسڈی کے ساتھ ملے گا ـرجسٹرڈ موٹربائیک مالکان کے لئے ریلیف پیکیج کافوری آغازکردیاگیاہےـرجسٹرڈ موٹربائیک مالکان کوفیول سبسڈی حاصل کرنے کے طریقہ کار کا اعلان کردیاگیاہےـفیول سبسڈی کے لئے موٹر بائیک مالکان ہیلپ لائن 1000پر کال کرسکتے ہیں ـ

رجسٹرڈ موٹربائیک مالکان فیول سبسڈی کے لئے پلے سٹور پر موبائل ایپ ”Maryam ko Batayn” استعمال کرسکتے ہیں ـفیول سبسڈی کے لئے ویپ پورٹل https://mkb.punjab.gov.pkپر بھی اپلائی کرسکتے ہیں ـوزیراعلی مریم نوازشریف نے کہاکہ عام آدمی کا معاشی بوجھ کم کرنے کے لئے شب و روز کوشاں ہیں ـ