لاہور (نیوز ڈیسک) پنجاب میں بھینسوں کے گوبر کی صفائی کے لیے باقاعدہ فیس وصول کرنے کا منصوبہ تیار کر لیا گیا ہے۔

ذرائع کے مطابق ستھرا پنجاب اتھارٹی اس ماہ ایک پائلٹ منصوبہ شروع کرنے جا رہی ہے، جس کا آغاز لاہور کی گوالا کالونی سے کیا جائے گا۔ اس منصوبے کے تحت بھینس پالنے والے افراد سے گوبر اٹھانے کی مد میں ماہانہ فیس لی جائے گی۔بتایا گیا ہے کہ اس مقصد کے لیے گوالا کالونی میں موجود باڑوں کا سروے مکمل کر لیا گیا ہے تاکہ منصوبے کو مؤثر انداز میں نافذ کیا جا سکے۔

ذرائع کا کہنا ہے کہ بھینسوں کے مالکان سے فی جانور کے حساب سے 30 سے 60 روپے ماہانہ وصول کیے جائیں گے، اور یہ رقم صفائی کے نظام کو بہتر بنانے پر خرچ کی جائے گی۔