اسلام آباد (نیوز ڈیسک)متحدہ عرب امارات میں پیٹرولیم مصنوعات کی قیمتوں میں نمایاں اضافہ کر دیا گیا ہے،

جس کے بعد صارفین پر ایندھن کا بوجھ مزید بڑھ گیا ہے۔سرکاری طور پر جاری کردہ نئے نرخوں کے مطابق پیٹرول کی قیمت میں 30 فیصد سے زیادہ جبکہ ڈیزل کی قیمت میں تقریباً 70 فیصد تک اضافہ دیکھنے میں آیا ہے۔تفصیلات کے مطابق سپر پیٹرول کی قیمت 2.59 درہم فی لیٹر سے بڑھ کر 3.39 درہم ہو گئی ہے، جبکہ اسپیشل 95 پیٹرول 2.48 درہم سے بڑھ کر 3.28 درہم فی لیٹر تک جا پہنچا ہے۔اسی طرح ای پلس 91 پیٹرول کی نئی قیمت 2.40 درہم سے بڑھ کر 3.20 درہم فی لیٹر مقرر کی گئی ہے۔دوسری جانب ڈیزل کی قیمت میں سب سے زیادہ اضافہ ہوا ہے،

جو 2.72 درہم فی لیٹر سے بڑھ کر 4.69 درہم فی لیٹر ہو گئی ہے، جسے حالیہ مہینوں کا بڑا اضافہ قرار دیا جا رہا ہے۔